2013-жылы 19 шаардын мэри жана 257 айыл өкмөтү кайрадан шайланат

Бүгүн, 19-декабрда БШКнын төрагасы Туйгунаалы Абдраимов 2013-жылы 19 шаардын мэри жана 257 айыл өкмөтү кайрадан шайланарын айтты. Анын айтымында, мэрлердин жана айыл өкмөттөрүнүн иштөө мөөнөтү аяктаганга байланыштуу шайлоо өткөрүлөт. Шайлоонун так датасын февраль айынын башында президент Алмазбек Атамбаев аныктамакчы. Ал эми Ош жана Бишкек шаарынын мэрлери 2010-жылы Апрель жана Июнь окуяларында шайлангандыктан, алар мөөнөтү аяктагыча өз иштерин аткарышат.