Ош гуманитардык-педагогикалык институтунда «Көп тил билүү бакытпы же өз тилин унутуубу?» деген аталышта талкуу болду 

Кечээ, 18-февралда Ош гуманитардык-педагогикалык институтунда Эл аралык эне тил күнүнө карата «Көп тил билүү бакытпы же өз тилин унутуубу?» деген аталышта дискуссия өттү. Бул тууралуу бүгүн, 19-февралда аталган окуу жайдын басма сөз кызматы билдирди.

Аталган иш-чарага кыргыз, англис, орус жана кытай тилинен сабак берген мугалимдер жана студенттер катышып, аталган теманын айланасында өздөрүнүн ойлорун ортого салышты. Талкуунун жүрүшүндө жалпы эле тилдер туурасында кеп козголуп, анын ичинде кыргыз тилинин да көйгөйлөрү талкууга алынды.