Баткен. Кутурма оорусуна шектелген адам көз жумду

Баткен облусунун Кадамжай районунда кутурма оорусуна шектелген адам 18-февраль күнү кечинде көз жумду. Анын анализдери Ош облусундагы Түштүк аймагы боюнча вирусологиялык лабораторияга жөнөтүлдү. Бул тууралуу бүгүн, 19-февралда ӨКМнын басма сөз кызматы билдирди. 

Эске салсак, райондук ооруканага Кыргыз-Кыштак аймагында жашаган 1975-жылы туулган Н.А. тамакка табити жоголуп, суу иче албай калганын айтып кайрылган. Дарыгерлер андан кутурма оорусунун белгилери байкалгандыгына байланыштуу анализдер алынып, текшерүүлөр жүргүзүлүп жатканын маалымдаган эле.