Жылдыз Жолдошова: "Учурда 3 миң бала сарык илдети менен ооруп жатат"

Парламенттин 19-декабрдагы жыйынында депутат Жылдыз Жолдошова Бишкек мэриясынын ишин сынга алып, мэр учурдагы олуттуу көйгөйлөргө жооп бериши керектигин белгиледи. "Ак үйдүн тосмосунан ашып түшкөнү үчүн Башкы прокуратура "Ата Журттун" депутаттарын 20 жылга камоо сунушун айтууда. Бүгүнкү күндө 3 миңден ашык бала сарык илдети менен ооруп жатат. Мэрия эмне үчүн шаардагы бала бакчаларга карантин жарыялабайт? Жолдордун тазаланбаганынан улам автокырсыктар көп болуп, каза болгондордун саны өсүүдө. Башкы прокуратура бул боюнча тийиштүү адамдарга кылмыш ишин козгошу зарыл" дейт Жолдошова.