Бишкекте Мекенди коргоочулардын күнүнө карата салтанаттуу иш-чара өтүүдө

Бишкектеги Т.Абдумомунов атындагы Кыргыз улуттук драма театрында 22-февралда Мекенди коргоочулардын күнүнө карата салтанаттуу иш-чара өтүүдө. Борбордук концерттик оркестринин жамаатынын катышуусунда майрамдык жыйналышка Бишкек гарнизонунун аскер кызматчылары менен Бишкек шаарынын мектептеринин президенттери катышууда. КРнын Коргоо министри, генерал-майор Таалайбек Өмүралиев артыкчылык менен кызмат кылгандарга медалдарды жана баалуу белектерди тапшырды. Ошондой эле министрлик тарабынан Баткен коогалаңында курман болгондордун үй-бүлөлөрүнө акча каражаттары берилди.