Депутаттар мыйзамсыз менчиктештирилип кеткен бала бакчаларды кайтарып алуу боюнча өкмөттүн отчётун угууну сунушташты

ЖКнын 20-декабрдагы жыйынында "мыйзамсыз менчиктештирилип кеткен бала бакчаларды мамлекетке кайтаруу иштери боюнча өкмөт отчёт бериши керек" деген сунуш айтылды. Бул демилгени депутат Кенжебек Бокоев көтөрүп чыкты. "Көптөгөн бала бакчалар жеке менчикке өтүп кеткен. Бул боюнча атайын ведомство аралык комиссия түзүлгөнү менен, жыйынтык жок. Ушул жаатта өкмөттүн маалыматын угуш керек" деди депутат.