Президент Алмазбек Атамбаев "Газпромдун" жетекчиси Алексей Миллер менен жолугушуп, газ маселесин талкуулады

КРнын Президенти Алмазбек Атамбаев Москвада "Газпром" ишканасынын жетекчиси Алексей Миллер менен жолугушту. Бул тууралуу бүгүн, 20-декабрда президенттин басма сөз катчысы Кадыр Токтогулов билдирди. Жолугушууда Кыргызстандын энергетика тармагына инвестиция тартуу жана газ берүү мүмкүнчүлүгү тууралуу маселе талкууланды. Белгилей кетсек, президент Алмазбек Атамбаев 19-декабрда ЖККУнун жыйынына катышуу үчүн Москва шаарына сапар алган.