Депутаттар Кара-Балтадагы “Жунда” заводу боюнча депутаттык комиссия түзүүнү сунуштоодо

Парламентте бүгүн, 26-февралда депутат Туратбек Мадылбеков Кара-Балта шаарындагы мунайды кайра иштетүүчү “Жунда” заводунун тегерегиндеги нааразычылык боюнча депутаттык комиссия түзүүнү сунуштады. “Жергиликтүү тургундар нааразы болушууда. Айылдарды жаман жыт каптап, жаш балдар ооруп жатыптыр”,- деди ал.

Айрым депутаттар буга каршы болушууда. “Комиссия түзүүгө кажет жок, тийиштүү органдар иликтеп чыксын. Эгер чын эле ошондой болуп жатса, анда парламентте карасак болот”,- деген пикирлер айтылды.