Дарыгерлер 23 жаштагы кыздын ашказанынан 800 грамм чырмалышкан чач алып чыгышты

№1-шаардык клиникалык ооруканасынын дарыгерлери 23 жаштагы кыздын ашказанынан 800 грамм чырмалышкан чач алып чыгышты. Бул тууралуу аталган мекемеден билдиришти.

Маалыматка караганда, шаар тургуну тамак жегенден кийин ичи ооруп жатканын айткан. Дарыгерлер операция жасашып, ашказанынан 1 килограммга жакын чач алып чыгышкан. Хирург Акылбек Мусаевдин айтымында, бейтапка экинчи жолу операция жасалган. Мындан бир жыл мурун да ичинен бир топ чач алып чыгышкан. Бейтап чачын байкабай чайнап, жута берген.