УЕФАнын Чемпиондор Лигасынын “Реал” атаандашы “Шалькенин” дарбазасына 6 гол киргизди (фоторепортаж)

Бэйл жана Роналду

Карим Бензема өзүнүн кезектеги голун командалаштары менен белгилөөдө.

Криштиану Роналду өзүнүн 11-голун киргизип, Чемпиондор лигасынын алкагында бомбардирлер тизмегинде биринчи орунга чыкты.

Криштиану Роналду 2 гол, Карим Бензема 2 гол жана Гарет Бэйл 2 гол киргизди.

"Реал" бул жеңиш менен чейрек финалга чыкты деп ишенимдүү билдирсе болот.

69-мүнөт. Гарет Бэйл өзүнүн экинчи, команданын бешинчи голун киргизүүдө.

Криштиану Роналду бул күнү дарбаза туштап 7 сокку багыттап, анын экөөндө ийгиликтүү болуп чыкты.

Өз үйүндө ири эсепте жеңилген "Шалькенин" оюнчулары...

9-мүнөт. 9-катар санындагы Торрес оюн эсебин ачып жатат.

Дидье Дрогба өзүн атактуулукка жеткирген "Челси" клубуна каршы оюн өткөрдү.

65-мүнөт. Орельен Шеджу "Челсинин" оюнчуларынын коргонуудагы катасынан пайдаланып, эсепти теңөөдө.

Кечээ, 26-февраль түнү УЕФАнын Чемпиондор Лигасынын жарым чейрек финалдык оюндарынын алкагында германиялык “Шальке” өз үйүндө мадриддик “Реалды” кабыл алып, күтүлбөгөн жерден ири эсепте жеңилүүгө дуушар болду. Германияга болгон сапарында “Реалдын” оюнчуларынан Криштиану Роналду, Карим Бензема жана Гарет Бэйл өз эсептерине экиден гол жаза алышты. Ал эми түркиялык “Галатасарай” менен англиялык “Челсинин” ортосундагы оюн 1:1 эсебиндеги тең чыгуу менен аяктады. Бул тууралуу УЕФАнын расмий сайты билдирет.

Эске салсак, бул командалардын ортосундагы жооптук оюндар 18-мартта өтөт.

“Шальке 04” – “Реал” – 1:6

Голдор: Карим Бензема (13-мүнөт), Гарет Бэйл (21-мүнөт), Криштиану Роналду (52-мүнөт), Карим Бензема (57-мүнөт), Гарет Бэйл (69-мүнөт), Криштиану Роналду (89-мүнөт), Клаас-Ян Хунтелар (90+1).

“Галатасарай” – “Челси” – 1:1

Голдор: Фернандо Торрес (9-мүнөт), Орельен Шеджу (65-мүнөт).