Жогорку Кеңеште жазгы талаа иштерине өкмөттүн даярдыгы каралууда

Жогорку Кеңеште бүгүн, 27-февралда жазгы талаа иштерине өкмөттүн даярдыгы каралууда. Маселе боюнча вице-премьер-министр Тайырбек Сарпашев баштаган өкмөт өкүлдөрү, тийиштүү мекемелердин жетекчилери катышууда. Дыйкандарга берилчү жеңилдетилген насыя боюнча Сарпашев: “Жеңилдетилген насыянын өлчөмү 5 миллиард сом. Учурда 2-3 банк менен сүйлөшүү жүрүүдө, алар макул болуп калса, насыянын суммасы дагы 2 миллиард сомго көбөйүшү мүмкүн”,- деди.