Индиядагы мектептердин бирине залкар жазуучу Чыңгыз Айтматовдун ысымы берилди

Индиядагы мектептердин бирине залкар жазуучу Чыңгыз Айтматовдун ысымы берилди. Бул тууралуу бүгүн тышкы иштер министринин Түштүк-Чыгыш Азия өлкөлөрүнө болгон иш сапарынын жыйынтыктары тууралуу брифингде мекеменин маалымат жана басылма бөлүмүнүн жетекчиси Турдакун Сыдыков билдирди. 

Анын айтымында, Индияда өтүүчү кыргыз-индия өкмөттөр аралык комиссиянын отуруму боюнча келишим каралган. Индиялык тарап Кыргызстан менен дары жасоо, дарылоо мекемелерин куруу, телемедицина жана дистанттык билим алуу тармагындагы кызматташтыкка кызыкдар экени белгилүү болду. Ошондой эле Индия Республикасы КРнын Кыргыз-Индия билим берүү институтун ачуу демилгесин колдоду.