Супер-Инфо
super.kg видео
Адвокат: "Башкы прокуратура Ахматбек Келдибековго карата жаңы айыптарды тагуу алдында турат"
Башкы прокуратура Ахматбек Келдибековго карата жаңы айыптарды тагуу алдында турат. Бул тууралуу бүгүн, 4-марттагы маалымат жыйынында депутаттын адвокаты Татьяна Чильникина билдирди. Анын айтымында, 3-март күнү Башкы прокуратуранын тергөөчүсү депутатка жаңы айыптарды айтуу боюнча жолугушкан. “Жаңы 3 эпизод боюнча айыптар айтылууда. Тергөөчү айыптарды 6га жеткиргени жатат” деди ал.
Ага Башкы прокуратура тарабынан КРнын Кылмыш-жаза кодексинин “коррупция” жана “кызматтык абалынан кыянаттык менен пайдалануу” беренелери боюнча кылмыш иши козголгон.
Депутаттын кармалышына төмөнкү иштер себеп болгон:
2005-жылы Социалдык фонддун 21 миллион сомдон ашуун акчасын максатсыз чыгымдаган;
2003-2004-жылдарда “Ротак-Бишкек” жоопкерчилиги чектелген коомуна жарандардын жекече камсыздандыруу эсебин бастырып чыгаруу үчүн каражат бөлүп берген;
ЖКнын төрагасы болуп турган кезде парламенттин эл аралык уюмдардагы өкүлчүлүктөрдүн иштерин тескөө боюнча атайын өкүл кызматын мыйзамсыз уюштуруп, аны кармоого мамлекеттик казынадан 10 миллион сом чыгымдаган;
"Салык органдарын ыктыярдуу патент боюнча салык төлөөчүлөрдөн салык чогултууну “Бизнес-Партнёр” жоопкерчилиги чектелген уюмуна мыйзамсыз берүү аркылуу кызматынан кыянаттык менен пайдаланган" деген айыптар тагылууда.
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рубрикадагы соңку кабарлар
9:35
2025-06-26
23:03
2025-06-25
10:12
2025-06-25
Рейтинг: 
0
0
Коомдук этиканы сактаңыз.