Таалайбек Айдаралиев: "Быйылкы насыялардын эсебинен дагы 1500ге жакын техника алынат"

Учурда республиканын бардык аймактарында айыл чарба техникаларын оңдоо иштери жүрүп жатат. 2014-жылдын 1-мартына карата 15 736 трактор оңдоодон өткөн. Бул тууралуу Айыл чарба жана мелиорация министрлиги билдирди.

Маалыматка караганда, жогорудагы көрсөткүч жалпы тракторлордун 76 пайызын түзөт.

“Былтыр 580 айыл чарба техникасы келсе, быйылкы насыялардын эсебинен дагы 1500ге жакын техника келет. Техникаларды алууда кайра иштетүү багытына көңүл бурулат. Бул дыйкандарыбызга чоң жардам болот. Анткени дыйкандарга өстүргөн продукциясын кайра иштетип сатканга мүмкүнчүлүк жаралат”, - деди айыл чарба жана мелиорация министри Таалайбек Айдаралиев.