Путин “Януковичтин саясий келечеги жок” деди

Орусиянын президенти Владимир Путин бүгүн, 4-мартта маалымат жыйынында Виктор Януковичтин саясий келечеги жок экенин айтты.

“Менимче, анын саясий келечеги жок. Мен бул тууралуу ага айттым”,- дейт президент. Украинадагы кырдаал боюнча Орусия президенти буларды кошумчалайт:

“Мага Янукович телефон чалып, Киевден күчтөрдү алып чыга турганын айтты. Мен ага күчтөрдү чыгарбоону эскерттим. Чыгарды, дароо анын резиденциясын жана административдик мекемелерди басып алышты”.