Жогорку Кеңеште өкмөткө ишеним көрсөтпөө үчүн 47 депутаттын колу топтолду

Жогорку Кеңеште өкмөткө ишеним көрсөтпөө боюнча 47 депутаттын колу топтолду. Муну парламенттин 5-марттагы жыйынында "Республика" фракциясынын лидери Назарали Арипов билдирип, документти төрага Асылбек Жээнбековго тапшырды.

"Бул маселени жакын арада Жогорку Кеңеште карашыбыз керек. Бир аптада азык-түлүктүн баасы 14 пайызга өстү, бул өкмөттүн чабалдыгын көрсөтүп жатат. Өкмөт "Кумтөр", чек ара, Батукаев маселелери боюнча иштей алган жок. Ош жана Жалал-Абад шаарларын калыбына келтирүү дирекциясы боюнча да маселе бар. Ушулардан кийин өкмөт токтоосуз отставкага кетиши керек",- деди Арипов.