Доллардын курсунун кескин өсүшүнөн насыя алгандар зыян тартып жатканын айтышты депутаттар

Жогорку Кеңештин 5-марттагы жыйынында депутаттар өлкөдө доллардын курсунун өсүшүнөн насыя алгандар жабыркап жатканын айтып чыгышты. Депутат Улукбек Кочкоров: “Мага көптөгөн адамдар телефон чалууда. Насыялардын үстөк пайызынын суммасы өсүп кетиптир. Бул маселени кечикпей карашыбыз керек”,- деди. Депутат Назарали Ариповдун айтымында, сомдун курсунун түшүп кетиши өкмөттүн каржы саясатын жүргүзө албай жатканын билдирет.