Исмаил Исаков: “Кыргыздын Нооруз майрамын жок кылганы жаткан өкмөттүн бизге кереги барбы?!”

Жогорку Кеңеште депутаттар бир катар майрамдарды дем алыш күндөрдүн катарынан алып салууга багытталган мыйзам долбоорун талкуулап жатышат. Буга депутат Исмаил Исаков кескин каршы чыкты.

“Өкмөт 21-Марттын жөнөкөй эле майрам болушун каалап жатат. Мына 1-Январь - Жаңы жылды майрамдайбыз. Кимдин майрамы? Ал эми кыргыздын өзүнүн майрамы - Ноорузду эл эми гана майрамдоого көнүп келе жатат. Бул кандай өкмөт? Кереги барбы мындай өкмөттүн? Булар абдан ыйык нерсеге кол салып жатышат”,- деди Исаков.

Экономикалык жактан алганда да бул сунуш туура эмес экенин айтат депутат. 

Айта кетсек, өкмөт 1-Майды, 7-Ноябрды жана 23-Февралды эс алуу күнү катары белгилөөнү токтотууну сунуштап жатат.