Исмаил Исаков: “Жеңил же оор деп бөлбөй, Кыргызстанга кирген бардык чет элдик унаалардан төлөм алыш керек”

Жеңил же оор деп бөлбөй, Кыргызстанга кирген бардык чет элдик унаалардан төлөм алыш керек. Муну бүгүн, 6-марттагы парламент жыйынында депутат Исмаил Исаков билдирди. Айтымында, өкмөттүн өлкөгө кирген чет элдик унаалардан төлөм алуу аракети туура, бирок мыйзам долбоору чийки.

“Биздин өкмөт жарым-жартылай иштегенди жакшы көрөт. Идея жакшы, бирок мыйзам долбоору чийки. Төлөм алынышы зарыл. Унааларды оор же жеңил деп бөлбөшүбүз керек, баарынан акча алышыбыз кажет. Унааларды жаңы же эски деп бөлүш керек. Анан да түшкөн акчанын 70 пайызы экология тармагына жумшалып, 30 пайызы мамлекеттик бюджетке түшүшү керек”,- деди Исаков.