Иса Өмүркулов кыргыз энергетиктерин кесиптик майрамы менен куттуктады

Бүгүн, 21-декабрда Бишкек шаарынын мэри Иса Өмүркулов 22-декабрь - Энергетика күнү менен Кыргызстандагы энергетиктерди куттуктады. Шаар башчысы энергетика тармагында иштеген бардык кызматкерлерге бекем ден соолук, бакыт, ийгилик жана туруктуулук каалады. Ошондой эле Бишкектин энергетика тармагында эмгектенген алдынкы кызматкерлер мэрдин колунан Ардак грамота жана баалуу сыйлыктарды алышты. Мэриянын маалыматы боюнча, Бишкекте коммуналдык кызмат көрсөтүү тармагында 1000ден ашык энергетиктер кызмат көрсөтүп келишет.