КРнын Чек ара кызматынын башчысы: "Чек арачылардын айлыгын көтөрүү үчүн 285 миллион сом керек"

"2013-жылы Кыргызстандагы чек арачылардын айлыгын жогорулатууга 285 миллион сом керектелет". Бул тууралуу ЖКнын Бюджет жана финансы боюнча комитетинин 21-декабрдагы жыйынында КРнын Чек ара кызматынын башчысы Закир Тиленов билдирди. Анын айтымында, Чек ара кызматындагы имараттардын ижара акысы үчүн болгон карызды төлөөгө да 28 миллион сом керек. “Биз бул маселелер боюнча тийиштүү токтом даярдап жатабыз, даяр болору менен Жогорку Кеңештин кароосуна алып чыгабыз",- деди Тиленов.