12-мартта жылдыздардын Шри-Ланкадагы саякаты КТРК аркылуу көрсөтүлөт. Өткөрүп жибербеңиз...

Чалкыган океан, күндүн жылуу илеби, экзотикалык жаныбарлар жана миң түркүн жемиштер. Кеп «Супер-Инфонун» жана кыргыздын белгилүү жылдыздарынын Шри-Ланка аралына болгон саякаты тууралуу. Жагымдуу эс алуудан сапар-баян эми сыналгыдан орун алат. Жылдыздар менен кошо сиз дагы күнөстүү аралга саякатка чыгыңыз. 

Белгилей кетсек, "Супер-Инфо" гезити менен көп жылдан бери кызматташып келе жаткан ырчы Каныкей, рэпер Добр, алып баруучу Нурзат Токтосунова, “Тамашоу” долбоорунун түзүүчүсү, алып баруучу Эрмек Нурбаев жана “Супер сулуу-2013” сынагынын жеңүүчүсү Орункүл Шабралиева кыштын ызгаардуу күнүндө экзотикалык өлкөгө жолдомо алып, Инд океанындагы Цейлон (азыркы Шри-Ланка) аралында эс алып келишкен.