“Алай” футболдук клубу АФКнын Кубогунун алкагында экинчи беттешин өткөрүү үчүн Катарга учуп кетти

“Алай” футболдук клубунан кабарлашкандай, бүгүн, 10-мартта клуб АФКнын Кубогунун тайпалык баскычында экинчи беттешин өткөрүү үчүн Катарга учуп кетти.  

Маалыматка ылайык, “Алай” Азия футбол конфедерациясынын (АФК) чечими менен 12-мартта ирактык “Эрбилге” каршы оюнун Доха шаарындагы стадиондо өткөрөт.

Кошумчалай кетсек, бул “D” тайпасындагы экинчи оюндар. 26-февралда Ош шаарында орун алган беттеште “Алай” бахрейндик “Аль-Риффа” менен 0:0 эсебинде тең ойносо, ирактык “Эрбил” клубу иорданиялык “Шабаб Аль-Ордон” клубун конокто 1:3 эсебинде утуп, 3 упай менен тайпада лидерлик сапка чыккан.