Парламентте тарыхый-маданий мурастарды коргоо жөнүндө мыйзам долбоору талкууланып жатат

Бүгүн, 11-мартта ЖКнын Билим берүү, илим, маданият жана спорт комитетинин жыйынында “Тарыхый-маданий мурастарды коргоо жана пайдалануу жөнүндө” мыйзам долбоору каралууда. Тема боюнча маданият, маалымат жана туризм министри Султан Раев баяндама жасады. Министрдин айтымында, аталган тармак боюнча бир катар беренелерге өзгөртүү киргизүү сунушталууда.

Муну менен тарыхый эстеликтерди коргоо, археологиялык табылгалар жана башка тармактарды өнүктүрүүгө аракет жасалууда. “Учурда тарыхый эстеликтер, маданий мурастар көп бузулууда”,- дейт Раев.