“Кристалл” ишканасы банкрот деп эсептелип, 4,6 миллион долларга сатылат

Бүгүн, 11-марттагы маалымат жыйынында Экономика министрлигинин Банкрот иштери боюнча департаментинин директору Болсунбек Казаков “Кристалл” ишканасы банкрот болуп, 4,6 миллион АКШ долларына аукционго коюлат” деп билдирди.

Анын айтымында, 2014-жылдын 26-февралында ишкананын кредиторлорунун отурумунда “Кристалл” банкрот деп саналган. 2014-жылдын 10-апрелинде саат 14:00дө Таш-Көмүр шаарында ишкананы сатуу боюнча аукцион өтөт. Старттык баасы 4,6 миллион АКШ долларына барабар.

“Кристаллды” сатып ала турган инвесторлор үчүн негизги талаптар: инвестициялык акча каражатын толук түрдө бөлүү, жумушчу орундарды түзүү жана экологияны сактоо”, - деди Болсунбек Казаков.