“9-апрель күнү Бишкекте жалпы элдик курултай өткөрүү пландалган” дейт коомдук ишмер Жолдошбек Орозов

Бүгүн, 12-мартта маалымат жыйынында “Асаба” саясий партиясынын башчысынын орун басары Жолдошбек Орозов “эгер Кыргызстандын бийлиги оппозиция менен сүйлөшүүгө чыкпаса, 9-апрелде Бишкекте жалпы элдик курултай уюштурулат” деп билдирди.

Анын айтымында, Кыргызстандагы кырдаал кооптуу болуп жатат. 2012-жылдын 9-январында 38 саясий кыймылдын башын бириктирип, Улуттук-мекенчил күчтү түзгөн. Бүгүнкү күндө аталган күчкө кирген уюмдардын саны 50гө жакын. 

“Учурда Улуттук-мекенчил күчтүн өкүлдөрү өлкөнүн аймактарына барып, жергиликтүү тургундар менен сүйлөшүүлөрдү жүргүзүп жатышат. Ар бир региондордун делегаттары шайлоо жолу менен шайланып, алар курултайга катышышат”,- деди Жолдошбек Орозов.