Жалал-Абадда Өзгөчө кырдаалдар министрлиги тарабынан машыгуулар болуп өттү

Жалал-Абадда Өзгөчө кырдаалдар министрлиги тарабынан машыгуулар болуп өттү. Бул тууралуу бүгүн, Жалал-Абад мэриясынын басма сөз кызматы билдирди. 

Маалыматка ылайык, №17-мектептин окуучуларына түшүндүрүү иштери жүргүзүлдү. Машыгууларда план боюнча жер титирөөдөн улам өрт чыгып, куткаруучулар, өрт өчүрүүчүлөр жана "Тез жардам" чакырылды. Иш-чара 7 окуучуну куткарып калуу операциясы менен коштолду. 

Мындай машыгуу Жалал-Абад шаарынын мэринин атайын токтомунун негизинде быйылкы жылдын эсебинен биринчи жолу өтүп жатат. Мындай маалыматты Өзгөчө кырдаалдар министрлигинин Жалал-Абад шаардык бөлүмүнүн башчысы Исхар Апиев билдирди.