Асылбек Жээнбеков Жогорку Кеңеш мөөнөтүнүн аягына чейин иштей турганын айтты

Жогорку Кеңештин төрагасы Асылбек Жээнбеков парламенттин 13-марттагы жыйынында “Жогорку Кеңеш мөөнөтүнүн аягына, 2015-жылга чейин иштейт” деп билдирди. “Каалайбы, каалабайбы, азыркы бийлик, парламент жакшы иштерди жасап жатат. Парламенттик демократияны өнүктүрүүдө. Айрым биздин кесиптештерибиз парламенттин иштебей калышын каалап жатышат. Бийликти каалагандар шайлоо жолу менен келишсин”,- дейт төрага.

А.Жээнбеков акыркы күндөрү ММКлар тарабынан Жогорку Кеңешке далилдүү, далилсиз сындар көп айтылып жатканын белгиледи.