Депутат Валентина Лисниченко Бишкекте таланттуу балдар үчүн 4 муниципалдык мектеп ачууну сунуштады

Бүгүн, 13-мартта Бишкек шаардык кеңешинин кезектеги сессиясында депутат Валентина Лисниченко таланттуу балдар үчүн 4 муниципалдык мектеп ачууну сунуштады. Ал өз сөзүндө таланттуу, шыктуу балдардын саны жылдан-жылга азайып бараткандыгы, түрк лицейлеринде окуучулардын “каймактары” чогулуп, олимпиадаларда алдынкы орундарга жетишип жаткандыгы, бирок алардын Кыргызстанда калбай тургандыгы тууралуу айтып өттү. 

Депутат айымдын сунушун уккан шаар мэри Кубанычбек Кулматов: “Балдардын баары бирдей. Аларды бөлүүгө болбойт. Андан көрө окуучулар үчүн атайын адистештирилген мекемелерди түзүү керек”,- деди.