Бишкек мэриясы 13 "Тез жардам" автоунаасын сатып алууну пландаштырууда

Бишкек мэриясы 13 санитардык жана медициналык атайын "Тез жардам" унаасын сатып алууну пландаштырууда. Бул тууралуу 14-мартта мэриянын басма сөз кызматы билдирди. Маалыматка ылайык, бул үчүн шаардык муниципалитет тендер жарыялады. Ар бир унаага 1 миллион 40 сомдон сарптоо пландаштырылууда. Тендердик билдирмелер 2014-жылдын 7-апрелине чейин кабыл алынат. Тендердик билдирмелерди ачуу ошол эле күнү жүргүзүлөт. Тиешелүү документтерди Карасаев көчөсү-41, 2-кабат дарегиндеги Бишкек шаардык мэриясынын атаандаштык саясат боюнча башкармалыгынан алууга болот.