"Чет элдик жарандарды тоногон" деп шектелген кылмыштуу топтун мүчөлөрү белгилүү убакытта жана тандалган гана адамдарга кол салышкан

“Чет элдик жарандарды тоногон” деп шектелип кылмыштуу топтун 5 мүчөсү кармалды. Бул тууралуу Бишкек ШИИББинин басма сөз кызматы билдирди. Маалыматка ылайык, кылмыштуу топтун мүчөсү катары 18 жаштагы К.Тилек, А.Турсунбек, 19 жаштагы Д.Иман, А.Самат жана 17 жаштагы Н.Фарух колго түшүрүлгөн. Тергөө амалдарынын жүрүшүндө кылмышка шектүүлөр көпчүлүк учурда Индиянын жарандарын тоношкону маалым болгон. Кылмыштар саат 19:00дөн 22:00гө чейин Киев-Турусбеков көчөлөрүндө жасалган.

Азыркы тапта укук коргоо органдары тарабынан 5 фактынын бети ачылды.         

Белгилүү болгондой, 20 жаштагы К.Адданки 2000 сом, 18 жаштагы Р.Равури 500 сом, 18 жаштагы Сингара 200 доллар, 18 жаштагы С.Панда 20 доллар акчасын жана телефонун уурдаткан. Учурда кармалгандардын башка кылмыштарга катыштыгы текшерилүүдө. Бишкек шаарындагы Ленин райондук тергөө бөлүмү тарабынан КРнын Кылмыш-жаза кодексинин “уурулук” беренеси боюнча кылмыш иши козголду.