Жалал-Абад. Абдыкадыр Жолчиев: "Нооруз майрамына чейин тазаланбаган көчө, акталбаган дарак калбайт" 

Нооруз майрамына чейин тазаланбаган көчө, акталбаган дарак калбайт. Бул тууралуу Базар-Коргон районуна караштуу Базар-Коргон айыл округунун башчысы Абдыкадыр Жолчиев кечээ, 16-мартта билдирди.

“Жашылдандыруу боюнча 3 айлык жарыяланган. Анын негизинде иштер башталды”,- дейт айыл башчысы.

Ошондой эле арыктарды тазалоо иштери да жүрүп жатканын белгиледи.

“250 чакырым арык болсо, анын 177 чакырымы техника, 83 чакырымы кол менен тазаланат. Учурда 70-80 пайыз арыктар чабылып бүттү”.