Бүгүн Апрель окуясы боюнча сотто Мурат Суталинов сурак берет

Бүгүн, 24-декабрда Апрель окуясы боюнча сот кайрадан уланат. Анда Коопсуздук кызматынын мурунку жетекчиси Мурат Суталинов сурак берет. Бул тууралуу Апрель окуясынын жабырлануучуларынын адвокаты Өсүнбек Жамансариев билдирди. Буга чейин Апрель окуясы боюнча айыпталып жаткан экинчи тараптын жактоочулары "тергөө учурунда тиешелүү процедуралар бузулуп жатат" деп ишти кайрадан тергөөнү соттон суранган. Апрель окуясы боюнча соттук иш 2010-жылдын 17-ноябрынан бери уланып, 21 кишиге карата кылмыш иши козголгон жана ишти Бишкек гарнизондук соту карап жатат.