Алмазбек Атамбаев: "Казакстан менен сүйлөшүүлөр болбогондо, газ таптакыр берилбей калышы мүмкүн эле"

"Кыргызстандын газ боюнча карызы көп болгону үчүн Казакстан газды чектеп жатат деген туура эмес". Мындай пикирди президент Алмазбек Атамбаев бүгүн, 24-декабрда журналисттер менен болгон жолугушууда билдирди. Анын айтымында, Кыргызстандын бул көйгөйдөн чыгууга толук мүмкүнчүлүгү бар. "Казакстанга газ боюнча карызыбыз бар жана ал көп. Эгер Казакстан менен сүйлөшүүлөр болбогондо, анда бүгүнкү күндө газ таптакыр болмок эмес",- деди президент. Президент айткандай, "Датка-Кемин" көмөк чордону 20 жыл мурун курулушу керек болчу.