Бишкекте оперкызматкерин сабаган айдоочу кармалды

Кечээ, 16-мартта саат 09:50 чамасында Москва жана Жаш гвардия көчөлөрүнүн кесилишинде Жол-кайгуул кызматынын кызматкерлери Мерседес-Бенц үлгүсүндөгү унааны тосушкан. Бирок ал токтобостон, жолун уланткан. Бул тууралуу бүгүн, 17-мартта Бишкек ШИИББинин басма сөз кызматы билдирди.

Маалыматка ылайык, качкан унааны Бишкек ШИИББинин кылмышкерлерди издөө бөлүмүнүн оперкызматкерлери Москва жана Кулиев көчөлөрүнүн кесилишинен токтотушкан. Унаанын айдоочусу каршылык көрсөтүп, оперкызматкердин денесине оор залака келтирген. Кызматкер соттук-медициналык экспертизага жиберилген.

Учурда бул факты боюнча КРнын Кылмыш-жаза кодексинин 234-беренесине ылайык кылмыш иши козголуп, айыпталуучу, Бишкек шаарынын 39 жаштагы тургуну Б.Евгений убактылуу кармоочу жайга киргизилди.