Жалалидин Рахматуллаев: "2014-жылы Кызыл-Кыя шаарында 300 метр жолго асфальт төшөлөт"

2014-жылы Кызыл-Кыя шаарында 300 метр жолго асфальт төшөлөт. Бул тууралуу аталган шаардын вице-мэри Жалалидин Рахматуллаев билдирди. Анын айтымында, 2013-жылы 200 метр жолго асфальт төшөлгөн.

“Өткөн жылы жолдорду оңдоп-түзөөгө 3,5 миллион сом бөлүнгөн. Быйыл 4,5 миллион сом каралды. Бул каражатка 300 метр толук асфальт төшөлүп, 2500 чарчы метр жолдогу чуңкурлар түзөлөт. 2013-жылы 3300 чарчы метр жолдогу чуңкурлар жамалган”,- деди Жалалидин Рахматуллаев.