УМККнын Чек ара кызматы ЕККУнун Бишкектеги борбору менен жыл жыйынтыгын чыгарды

Улуттук мамлекеттик коопсуздук комитетинин Чек ара кызматы ЕККУнун Бишкектеги борбору менен жыл жыйынтыгын чыгарды. Бул тууралуу бүгүн, 24-декабрда Чек ара кызматынын басма сөз кызматы билдирди. Чек ара кызматынын башчысы, генерал-майор З.Тиленов ЕККУнун Бишкектеги борборунун башчысы С.Капинос менен жолугушуу учурунда аскер кызматкерлеринин профессионалдык деңгээлинин жогорулашына жана материалдык-техникалык базанын чыңдалышына мыкты көмөк көрсөткөндүгү үчүн ЕККУнун борборуна ыраазычылыгын билдирди. ЕККУнун борбору 5 комплект кайтарымсыз кеңсе буюмдарын, Талас облустук чек ара отрядына курулуш материалдарын берди. 2013-жылга карата кызматташтык жолдору белгиленди.