Интернеттеги социалдык тармактарда "жоголду" деп издөө салынган 15 жаштагы кыз табылды. Ал 3 күндөн бери туугандарынын үйүндө болгон

Интернеттеги социалдык тармактарда Бишкек шаарындагы Туңгуч кичи районунан 15 жаштагы кыздын жоголгондугу тууралуу маалымат тараган. Анда “19-март күнү кечки саат 22:30да кошунасынын үйүнөн чыгып, бирок жакын жердеги өзүнүн батирине жеткен эмес. Белгилери: бою 160-165 сантиметр, метис, чачы тармал. Дене түзүлүшү толугураак жана уялчаак. Тизесине чейин жеткен пальто кийген. Жынсы шым жана күлгүн түстөгү бут кийимчен. Көргөн-билгендер болсо, жардам берүүңүздөрдү өтүнөбүз” деп жазылган.

Бүгүн, 24-мартта SUPER.KG порталына издөө салынган кыздын табылганын туугандары маалымдашты. Эжесинин айтымында, жоголгон кыз кошунасыныкынан чыккандан кийин туугандарыныкына кетип калган. Бирок ал тууралуу үйдөгүлөрүнө кабар берген эмес. 3 күндөн соң туугандары кыздын интернетте изделип жатканын билип, байланышкандан кийин ал үйүнө кайтып келген.