Кыргызстанда БУУнун “Тынчтыкты сактоо” программасы менен чет өлкөгө кызматка барууга даяр 25тей кызматкер бар

Катаал кырдаалдарда “Тынчтыкты сактоо” программасы менен чет өлкөгө кызматка барган укук коргоо кызматкерине Кыргызстандагы айлыгынан сырткары БУУ 3 миң доллар төлөп берет. Муну ЖКнын Конституциялык мыйзамдар, укук тартиби жана кылмыштуулукка каршы күрөшүү комитетинин 25-марттагы жыйынында ички иштер министринин орун басары Курсан Асанов билдирди. “Чет өлкөгө кызматка ЖАМК, УКМК, ИИМдин кызматкерлери чыга алышат. Алар сөзсүз түрдө чет тилин билиши керек. Бизде азыр чет өлкөгө жөнөтүүгө даяр 20-25тей кызматкер бар”,- деди Асанов.