Шайлоого 3 жыл калганда каттоодон өткөн партияларды шайлоого катыштырбоо сунушталууда

Кыргызстанда шайлоого 3 жыл калганда каттоодон өткөн саясий партияларды шайлоого катыштырбоо сунушталууда. Мындай демилгени бүгүн, 25-мартта ЖКнын Адам укуктары, конституциялык мыйзамдар жана мамлекеттик түзүлүш комитетинин жыйынында депутат Айнуру Алтыбаева көтөрүп чыкты.

Бирок депутаттар тарабынан колдоого алынган жок. Айрым эл өкүлдөрү бул мыйзам шайлоо принциптерине каршы келерин айтышты. Жыйынтыгында мыйзам долбоору толуктап иштеп чыгуу үчүн артка кайтарылды.