“Өкмөттүн отставкасынан чуу жаратуунун кереги жок” дейт Сатыбалдиев

Өкмөттүн отставкага кетишинен чуу жаратуунун кереги жок. Муну бүгүн, 25-мартта өкмөттө акыркы жыйынын өткөрүп жатып премьер-министрдин милдетин аткаруучу Жантөрө Сатыбалдиев билдирди. “Кыргызстанда саясий туруктуулук болушу шарт, ансыз өнүгүү болбойт”,- деген Сатыбалдиев өзү башкарып турган өкмөттүн тушунда айлык акылар көбөйүп, жаңы мектептер курулганын кошумчалады.