Парламентте чин, наам берүүнү тартипке келтирүүгө багытталган мыйзам долбоору каралууда

ЖКнын Регламент жана депутаттык этика боюнча комитетинде “КРнын айрым мыйзам актыларына өзгөртүүлөрдү жана толуктоолорду киргизүү жөнүндө” мыйзам долбоору каралууда. Демилгечи депутат Исмаил Исаковдун айтымында, бул мыйзам долбоору Бажы, ИИМ сыяктуу орган кызматкерлерине чин, наамдарды берүүнү бир тартипке алып келүүгө багытталган. Депутат кээ бир чин, наамдар өкмөттүн, президенттин чечими менен берилип келгенин айтып, Конституцияда "наам, чиндерди Жогорку Кеңеш бекитет" деп жазылганын кошумчалады.