Алмазбек Атамбаев: “Депутаттар кайсы бир кызматка тендер жарыялап, ага кимдир бирөөнү түрткөндү токтотушу керек”

“Депутаттар өздөрүнүн иши кайсы бир кызмат үчүн тендер жарыялоо, ал кызматка кайсы бир адамды түртүү эмес, мыйзам чыгаруу экенин түшүнүшү керек”,- деп билдирди президент Алмазбек Атамбаев 27-мартта телеканалдардын бириндеги маегинде. Парламенттеги айрым фракциялар айрым кызматтарга тендер жарыялап жатканын айткан өлкө башчы муну токтотуу керектигин белгиледи. “Жыйынтыгы Кыргызстандагы парламенттик башкаруунун келечегине коркунуч жаратат”,- деди ал.  

Атамбаев жаңы түзүлгөн коалиция өкмөттүн курамын аныктоо менен гана чектелиши керектигин кошумчалады.