Жалал-Абадда Тукубай Тайгараевдин айкелин орнотуу иштери жүрүп жатат    

"Жалал-Абад облусуна караштуу Сузак районундагы Таш-Булак айыл округунун Ынтымак айылына курулуп жаткан Советтер Союзунун Баатыры Тукубай Тайгараевдин айкелин 9-майга чейин бүтүрүү керек",- деп билдирди өкмөттүн аталган облустагы өкүлү Жусупжан Жээнбеков. Ошондой эле курулуш иштери менен таанышып жатып: «Биримдикте иш алып баралы, айкел сапаттуу бүткөрүлүшү керек. Кытайдын бир да арматурасы да аралашпасын",- деп кошумчалады.

Айкелди бүтүрүүгө жалпысынан 9 миллион сом сарпталып, курулуш иштери «Алым-Ата» ЖЧКсы тарабынан аткарылууда. Бул туурасында бүгүн, 28-мартта басма сөз кызматы билдирди.