ЖКнын депутаттары №52806-аскер бөлүгүндө көчмө жыйын өткөрүшөт

Жогорку Кеңештин депутаттары №52806-аскер бөлүгүнүн абалы менен таанышып чыгышат. Мындай чечим бүгүн, 31-мартта ЖКнын Коргоо жана коопсуздук комитетинин жыйынында кабыл алынды. Жыйында аталган аскердик бөлүктүн 3 жоокеринин чет элдик жаранга кол салууга шектелиши боюнча маселе көтөрүлдү. Депутаттар бул факт боюнча аскердик бөлүктүн өзүндө көчмө жыйын өткөрүүнү сунуштап, кырдаал менен жакындан таанышуу керектигин айтышты. Сунушту депутаттар колдошту.