7 жылдан бери издөөдө жүргөн кылмышкер кармалды

7 жылдан бери издөөдө жүргөн кылмышкер кармалды. Бул тууралуу Бишкек ШИИББинин басма сөз кызматы бүгүн, 31-мартта билдирди.

Маалыматка караганда, 2005-жылы Төрөбек Жолдошев аттуу жаран дары-дармек сатуучу ишкана ачкан. Ал Талас шаарындагы ишкерлердин биринин ишенимине кирип, андан 6,5 миллион сом алып качып кеткен. Көп убакыт өтпөй милиция кызматкерлери тарабынан кармалып, эч жакка чыкпоо өтүнүчү менен бошотулган. Бирок ал ошол күндөн бери тергөөдөн качып, жашырынып жүргөн.

Ушундай эле алдоо фактысына Бишкек шаарынын тургуну Бронислава да кабылган. Жабырлануучу Төрөбек Жолдошев менен бирге ишкердик жүргүзмөк болушуп, жашаган батирин банкка күрөөгө коюп акча алып берген. Кылмышка шектүү акчаны алгандан кийин дайынсыз болуп кеткен. Учурда аталган жаран кармалып, убактылуу кармоочу жайга киргизилди.