Бишкек шаардык кеңешке шайланган депутаттар таанышуу жолугушуусун өткөрүштү

Бишкек шаардык кеңешке шайланган жаңы депутаттар бүгүн, 25-декабрда мэрияда таанышуу жолугушуусун өткөрүштү. Учурда аларга депутаттык мандаттар бериле элек. Азырынча биринчи отурумдун жана мандаттарды тапшыруу аземинин датасы белгисиз. Эске салсак, Бишкек шаардык кеңеште 45 депутат бар. Алардын 21 мандатын КСДП алса, 11 мандат "Республика" партиясына, 7 мандат "Ата Мекен" партиясына жана 6 мандат "Замандаш-Современник" партиясына тийген.