Депутаттар “Кумтөрдөн” 200 миллион доллар чыгарып кетүү фактысы боюнча “Кыргыз алтындын” жетекчиси Дилгер Жапаровго кандай чара көрүлөрүнө кызыгышты

Жогорку Кеңеште жаңы өкмөттүн курамы жана программасы каралууда. “Кумтөр” боюнча сөз болуп, депутаттар “Кумтөрдөн” 200 миллион доллар чыгарып кетүү кылмышы боюнча “Кыргыз алтын” ишканасынын жетекчиси Дилгер Жапаровго кандай чара көрүлөрүнө кызыгышты. “Кумтөр” боюнча Дилгер Жапаровдун “Центерра” менен сүйлөшүүгө аралашууга моралдык укугу жок болчу. Ал болсо Жогорку Кеңешке келип, негизги баяндамачы болуп жүрдү”,- деди депутат Төрөбай Зулпукаров. 

Премьер-министрликке талапкер Жоомарт Оторбаев аталган факт боюнча Башкы прокуратура кылмыш ишин козгоп, тергөө жүрүп жатканын билдирди.