Депутаттар премьер-министрликке талапкер Жоомарт Оторбаевге иштей албаган министрлерди алмаштырууну сунушташты

Жогорку Кеңештин депутаты Турсунбай Бакир уулу премьер-министрликке талапкер Жоомарт Оторбаевге иштей албаган министрлерди иштен алууну сунуштады. Депутат жаңы коалициянын “Мамлекеттүүлүктү бекемдөө үчүн” деп аталганына макул эмес. “Жантөрө Сатыбалдиев гана мамлекетти бекемдөөгө тоскоол болуп жатыптыр. Бир адамдын иштен кетиши менен эмне өзгөрөт? “Ар-намыс” өкмөттөгү министрлерди алмаштырганы жатат. Сизге сунуштайм, иштей албаган министрлерди иштен бошотуңуз. Эгер кадрдык маселелерди жолго сала албасаңыз, анда парламентте сиз боюнча маселе көтөрүлөт”,- деди депутат.

Жоомарт Оторбаев өкмөт башчы болуп шайланса, калыс жана адилеттүү иш жүргүзө турганын билдирди.