Таластагы митинг: Бакай-Атага вице-премьер-министр Абдырахман Маматалиев кетти

Коргоо, коопсуздук жана чек ара маселеси боюнча вице-премьер-министр Абдырахман Маматалиев бүгүн, 4-апрелде Бакай-Ата районуна жөнөп кетти. Өкмөттөн билдиришкендей, вице-премьер жол тосуп турган жергиликтүү тургундар менен жолугушуп, алардын талабын угат.

Айта кетсек, 3-апрелде “Шыраалжын” алтын кенин жабуу талабы менен митингге чыккан жашоочулар менен милициянын ортосунда кагылышуу болуп, 20дай милиция кызматкери жабыркаганы айтылды. Чогулгандарды таратуу үчүн милиция курал колдонду.